Hapja e muralit “Escape From Isolation”

“Escape from Isolation” është një projekt i organizuar nga aktivistja Doruntina Maliqi. Projekti është realizuar përmes një murali të madh në Shtëpinë e Kulturës “Isa Kastrati” në qytetin e Kamenicës. Zogu i pikturuar simbolizon lirinë për grupet e margjinalizuar të njerëzve, përfshirë gratë dhe personat LGBT.

Ky mural u organizua në kuadër të mini-granteve nga projekti Youth Artivists for Change, përkrahur nga Ministria e Punëve të Jashtme të Holandës, menaxhuar nga Stichting art.1 dhe implementuar nga CEL Kosova.

 

 

 

 

 

 

 

 

 

 

 

 

 

 

 

 

 

 

 

Performanca audio-vizuele “I Am Breaking My Heart”

“I Am Breaking My Heart” është projekt i realizuar nga artisti dhe aktivisti i ri Leart Rama. Ai kishte punuar për këtë projekt për dy vjet, duke analizuar fytyrat dhe emocionet e njerëzve. Ai kombinoi në mënyrë të përsosur videot, efektet vizuale dhe efektet audio për të përfunduar performancën e tij “I Am Breaking My Heart”, të cilën e interpretoi në Kino Armata në Prishtinë.

Kjo performancë audio-vizuele është organizuar në kuadër të mini-granteve të akorduara nga projekti Youth Artivists for Change mbështetur nga Ministria e Punëve të Jashtme të Holandës, menaxhuar nga Stichting art. 1 dhe implementuar nga Cel Kosova.

 

Hapja e Ekspozitës “Mos”

“Mos” është një ekspozitë e bërë nga artistë të rinj bashkëkohorë Norë Potera & Ardhmëria Bregovina, dhe përfshin disa disiplina arti, duke filluar nga tregimi i storieve, video-dokumentari, piktura dhe instalimi. Ekspozita përqendrohet në temën e roleve të grave dhe vajzave gjatë gjithë historisë së Kosovës. Dy pikturat e mëdha të Norë Potera në ekspozitë tërhoqën shumë vëmendjen e publikut. Pikturat kishin shkrime mbi to të marra nga libra të vjetër dhe këngë të dasmave të vjetra nga historia e Kosovës, dhe artistja ishte mjaft e guximshme për t’i revolucionuar ato dhe t’i çonte në një nivel krejt të ri. Video dokumentari i Ardhmendie Bregovina i cili përfshin regjistrimin audio të saj, ku ajo rrëfente tregimin personal të saj dhe nënës së saj gjatë agresionit serb të 1999 në Kosovë, dhe sfidat që kaluan ato si gra/vajza, ishte një vepër prekëse e realizuar shumë mirë.

Kjo ekspozitë është organizuar në kuadër të mini-granteve të akorduara nga projekti Youth Artivists for Change mbështetur nga Ministria e Punëve të Jashtme të Holandës, menaxhuar nga Stichting art. 1 dhe implementuar nga CEL Kosova.

Hapja e ekspozitës “Bazë”

“Bazë” është një projekt nga aktivisti i ri Drilon Gashi. Projekti filloi me aktivitetin si një punëtori dy-ditore me pjesëmarrës të të rinjve nga qyteti i Lipjanit, ku ata mundën të mësojnë dhe diskutojnë së bashku për stereotipet gjinore. Pas shkëmbimit të ideve dhe marrjes së informacionit bazë mbi përdorimin e programeve Adobe Illustrator dhe CorelDRAW, ata i kthyen tregimet e tyre në ilustrime vizuale që përfaqësonin përvojat e tyre personale në lidhje me stereotipet gjinore. Ilustrimet u shfaqën në një formë ekspozite në një hapësirë publike në qytetin e Lipjanit.

Kjo ekspozitë u realizua në kuadër të mini-granteve të dhëna nga projekti Youth Artivists for Change, përkrahur nga Ministria e Punëve të Jashtme të Holandës, menaxhuar nga Stichting art. 1 dhe implementuar nga CEL Kosova.

 

 

 

Hapja e ekspozitës “Behind Closet Doors”

“Të Gjithë për Dashuri” është projekt i organizuar nga aktivistja e re Erëblina Vata, me temën kryesore mbi pozicionin e personave LGBTQ+ në shoqërinë e Kosovës. Ngjarja kryesore e projektit ishte ekspozita “Behind Closet Doors” që u hap në Galerinë e Arteve në Ferizaj. Ekspozita ishte përbërë nga disa fotografi profesionale, dhe ishte e ndarë në dy pjesë: Fotografi bashkëkohore konceptuale, dhe fotografi me tregime nga të rinjtë LGBT në Kosovë.

Kjo ekspozitë është organizuar në kuadër të mini-granteve të akorduara nga projekti Youth Artivists for Change mbështetur nga Ministria e Punëve të Jashtme të Holandës, menaxhuar nga Stichting art. 1 dhe implementuar nga Cel Kosova.

Shfaqja e filmit të shkurtër “Kosova Trans”

Kosova-Trans është një film i shkurtër dokumentar për një transgjinore 18 vjeçare nga Kosova, i cili u shfaq në hapësirat e TermoKiss. Dokumentari përqendrohet kryesisht në sfidat e një gruaje të re transgjinore që përballet me ngacmime dhe stigmë në një vend që nuk ka të drejta themelore transgjinore. Kosova-Trans ngërthen në vete rrugëtimin e Donës për të pranuar veten, sfidat e të qenurit mbyllur dhe shumë më tepër.

Kuizi Trivia

Aktivistë të ndryshëm që ishin prezent në Prishtinë për të përkrahur Javën e Krenarisë morrën pjesë në kuizin Trivia. Qëllimi i këtij kuizi ishte rrjetëzimi mes aktivistëve lokal dhe rajonal.

 

 

 

Publikimi i manualit për gazetarë që mbulon çështjet e personave LGBTI

Ky manual ka për qëllim të shërbejë si një udhëzues praktik, informues dhe arsimor për gazetarë dhe redaktorë të mediave, për  të kryer raportime të sakta dhe etike, si dhe të ofrojnë një mbulim me kuptim cilësor dhe thelbësor të personave LGBTIQ.

Manuali paraqet një përmbledhje të kornizës ligjore dhe mekanizmave të të drejtave të njeriut që garantojnë mbrojtjen e të drejtave LGBTIQ që përbëjnë bazën mbi të cilën mund të bëhet raportimi për LGBTIQ. Për më tepër, manuali përfshinë një analizë rreth diskutimeve mbi seksualitetit në mënyrë që të sigurojë një kuptim më të hollësishëm të orientimit seksual dhe identitetit gjinor; Qëllimi i kësaj analize është që të dekonstruktojë dhe sfidojë veçanërisht rolet më konvencionale dhe tradicionale gjinore, të cilat shpesh përbëjnë bazën problematike mbi të cilën keqkuptohen individët LGBTIQ.

Publikimi I manualit për praktikën psikologjike me persona transgjinorë

Qëllimi i këtij manuali është të informojë profesionistët e shëndetit mendor për çështje të rëndësishme klinike gjatë punës me persona transgjinorë. Ky manual nuk është një përmbledhje udhëzimesh ose standardesh  dhe nuk zëvendëson në asnjë mënyrë protokollet e trajtimit. Manuali synon të plotësojë vetëm udhëzimet e trajtimit për individët Transgjinorë. Manuali është përqendruar vetëm në popullsinë Transgjinore dhe përfshinë një sërë përkufizimësh që përdoren në gjuhën e profesionistëve të shëndetit kur diskutojnë mbi çështjet më të zakonshme dhe sfidat me të cilat përballen personat Transgjinorë gjatë terapisë, terminologji kjo që mund të jetë e panjohur për lexuesin.

 

Shfaqja e Filmit: “Moonlight”

Moonlight është një dramë amerikane e  vitit 2016, me skenar dhe regji nga Barry Jenkins, bazuar në shfaqjen gjysmë-autobiografike të papublikuar të Tarell Alvin McCraney, në Moonlight Black Boys Look Blue. Filmi paraqet tri faza të jetës së personazhit kryesor; rininë, adoleshencën, dhe jetën e hershme të moshës madhore të tij. Drama eksploron vështirësitë me të cilat personazhi përballet me seksualitetin dhe identitetin e tij, duke përfshirë abuzimin fizik dhe emocional që ai duron gjatë arritjes së moshës madhore. Moonlight u bë filmi i parë ku i gjithë kasti i filmit përbëhet nga njerëz me ngjyrë, filmi i parë që lidhet me persona LGBTQ dhe është nominuar dhe ka fituar çmimin Oskar për kategorinë e Fotografisë më të Mirë.

Pas shfaqjes së  filmit “Moonlight” është mbajtur një diskutim i hapur me përfaqësues nga Kosova, Maqedonia e Veriut dhe Serbia.

 

Hapja e “Ekspozitës TransBalkan” – Autor: Aleksandar Crnogorac

TransBalkan është një projekt fotografik dokumentar që përqendrohet në komunitetin trans në rajonin e Ballkanit, të Evropës Jug-Lindore. Autori ka udhëtuar në pjesën më të madhe të ish republikave Jugosllave, dhe gjatë rrugës është takuar më më shumë se 30 persona, të cilët jo vetëm që i fotografoi, por edhe i intervistoi. Në mesin e personave të fotografuar janë persona me kombësi të ndryshme, fe, moshë, status të gjendjes sociale, prejardhje arsimore dhe natyrisht individë në faza të ndryshme të tranzicionit të tyre personal. Synimi nuk është që të futemi në politikat e komunitetit trans, por të përqendrohemi në aspektet personale të përvojave njerëzore të këtyre individëve me qëllimin e ngritjes së vetëdijës dhe vizibilitetit për komunitetin trans në Ballkan, i cili aq shpesh keqpërfaqësohet dhe keqkuptohet në këtë pjesë të Botës.

Konferenca “Legjislacioni: Mundësitë e shfrytëzuara dhe të humbura”

Kjo konferencë reflektoi punën e institucioneve që merren me çështjet LGBTI gjatë vitit të kaluar. Kjo konferencë u përqëndrua në tri çështje kryesore: Kodi Civil, Njohja e identitetit Gjinor dhe Kodi Penal i Republikës së Kosovës. Për të mbuluar temat e lartpërmendura, panelistët nga institucionet vendore përkatëse patën mundësinë për të diskutuar dhe shpjeguar avokimin e të drejtave LGBTI në Kosovë, pasuar nga një diskutim i hapur me të gjithë pjesëmarrësit në konferencë.

      

Hapja e ekspozitës “QUEIN” – Autore: Majlinda Hoxha

Ekspozita e organizuar nga CEL përbëhet nga storie personale të personave LGBTI që jetojnë në Kosovë.

Arti luan një rol kyç në promovimin e të drejtave të njeriut, kjo ekspozitë prezantoi storie të personave LGBTI përmes prizmit të kamerës, duke adresuar përditshmërinë e ndërthurjes së jetës utopike të personave LGBTI në Kosovë. Ekspozita është një koleksion i imazheve që përmbanë fragmente të këtyre tregimeve.

 

Dita ndërkombëtare kundër homofobisë dhe transfobisë (IDAHOT 2019)

Sikur vitet e kaluara, edhe sivjet e shënuam Ditën Ndërkombëtare Kundër Homofobisë dhe Transfobisë me 17 Maj, ku u mbajtë Konferenca me moton “Të drejtat e barabarta dhe kushtetuese të personave LGBTI”

Në këtë Konferencë është diskutuar rreth Partneritetit mes personave të seksit të njejtë dhe Diversitetin në mes të komuniteteve.

Si çdo vit, edhe kësaj rradhe u ndezën dritat me ngjyrat e flamurit LGBTQ+ në ndërtesën e Qeverisë.

 

Konferenca ‘Angazhimi institucional për komunitetin LGBTI’

CEL organizoi konferencën: ‘Angazhimi institucional për komunitetin LGBTI’ ku qëllimi i konferencës ishte promovimi i debatit mbi çështjen LGBTI dhe inkurajimi i dialogut ndërmjet institucioneve të vendit dhe palëve të tjera që merren me çështjet e komunitetit LGBTI në Kosovë.

Dita ndërkombëtare kundër homofobisë dhe transfobisë (IDAHOT 2018)

Edhe këtë vit u shënua dita ndërkombëtare kundër homofobisë dhe transfobisë me aktivitete të ndryshme.
Me 17 Maj në sheshin “Nëna Tereza” së bashku me CSGD kemi hapur ekspozitën “QE PSE…” ku janë përzgjedhur komente me përmbajtje homofobike dhe transfobike që janë dërguar pas paradës së krenarisë.
Aktiviteti vazhdoi në Teatrin Oda ku shumë pjesëtarë të komunitetit LGBTQ+ dhe përkrahës shfaqën talentin e tyre me anë të poezive, këndimit dhe performancave DRAG në shfaqjen “Diversity// The new flavour”.
Si çdo vit, edhe kësaj rradhe u ndezën dritat me ngjyrat e flamurit LGBTQ+ në Qeveri.

     

 

 

Panel diskutimi me aktivistët e shteteve të rajonit

Panel diskutimi me aktivistët e shteteve të rajonit: Shqipëria, Maqedonia, Sërbia, Bosnia, si dhe me organizatorin e paradave nga Amsterdami.
Tema e këtij paneli ishte “Situata e komunitetit LGBTI në vendet që ata përfaqësojnë, si dhe sfidat që ata përballen gjatë organizimeve të paradave në vendet e tyre.

Ky panel dhe e gjithë java e krenarisë janë mbështetur nga: Civil Rights Defenders, Ambasada e Mbretërisë së Holandës, Bashkimi Europian dhe USAID-ATRC.

 

Takim me grupin këshillëdhënës dhe koordinues për të drejtat e komunitetit LGBTI

Është mbajtur takimi me grupin këshillëdhënës dhe koordinues për të drejtat e komunitetit LGBTI (lesbike, gej, biseksual, transgjinorë dhe intersex), në Hotel “Sirius”- Prishtinë. Gjithashtu në këtë takim organizatat CSGD dhe CEL Kosova prezantuan hulumtinin “Manual i praktikës psikologjike me klientët/et lezbike, gej dhe biseksual/e”

Promovimi i librit “Lëvizja LGBT”

U promovua libri “Lëvizja LGBT” i publikuar nga Qendra për Liri dhe Barazi të Komunitetit LGBT në Kosovë (CEL Kosova). Ky është libri i parë i këtij lloji i publikuar në Kosovë.

Libri ka përmbajtje informative për komunitetin LGBT në Kosovë, në shtetet në rajon dhe botë; të dhëna mbi terminologjinë dhe data të rëndësishme, histori personale dhe kontributin e komunitetit LGBT.

Ky libër u mundësua nga Programi i Angazhimit për Barazi (E4E), i financuar nga Agjencia e Shteteve të Bashkuara për Zhvillim Ndërkombëtar – USAID dhe implementuar nga Qendra e Trajnimeve dhe Burimeve për Avokim – ATRC.

Prezanzimi i “Manualit të praktikës psikologjike me klientët/et lezbike, gej dhe biseksual/e”

“Manuali i Praktikës Psikologjike me Klientët/et Lezbike, Gej, dhe Biseksual/e”; i publikuar nga Qendra për Liri dhe Barazi të Komunitetit LGBT në Kosovë (CEL Kosova), u prezantua në “Orion- Conference Center”.

Manuali iu ofron psikologëve informata dhe vegla bazike për këshillimin e personave lezbike, gej dhe biseksual/e (LGB), në fushat e vlerësimit, intervenimit, identitetit, dhe marrëdhënieve. Si i tillë ai iu shërben psikologëve gjatë ofrimit të praktikës afirmuese për lesbike, gej, dhe biseksual/e.

Ky manual u mundësua nga Programi i Angazhimit për Barazi (E4E), i financuar nga Agjencia e Shteteve të Bashkuara për Zhvillim Ndërkombëtar – USAID dhe implementuar nga Qendra e Trajnimeve dhe Burimeve për Avokim – ATRC.

Panel diskutimi me temën “Komuniteti LGBT- si ishte; si është; dhe si do të jetë”

Është mbajtur një panel diskutimi me temën “Komuniteti LGBT- si ishte; si është; dhe si do të jetë”. Në këtë panel morrën pjesë: Rina Braimi nga CEL, Agim Margilaj nga CSGD, dhe Liridon Veliu nga QESh. Ky ishte njëri prej disa aktiviteteve që CEL, dhe organizatat e tjera e mbajtën për javën e të drejtave të njeriut.

Ky aktivitet është pjesë e projektit Engagement for Equity, i financuar nga ATRC/USAID.

Personat LGBT vazhdojnë të përballen me vështirësi të mëdha

Pas prezantimit të situatës aktuale për personat LGBT në shoqërinë tonë dhe vështirësitë me të cilat ballafaqohet ky komunitet, Rajmonda Sylbije, Drejtori Ekzekutiv i Qendrës për Barazi dhe Liri për Komunitetin LGBT në Kosovë (CEL) hapi debatin që u organizua dhe mbajtur në Pejë (i pari i këtij lloji) nga organizata e përmendur më lart.

Znj. Sylbije deklaroi si vijon: “Personat LGBT vazhdojnë të jetojnë dyfish, prandaj një nga komponentët kryesorë të organizatave tona është fuqizimi i personave LGBT, si dhe ngritja e vetëdijes në mesin e popullatës së përgjithshme kosovare për pranimin e tyre si një komponent i barabartë i shoqërisë.

“Lidhur me kornizën ligjore të Kosovës, Teuta Hoxha nga Nisma e të Rinjve për të Drejtat e Njeriut në Kosovë (YIHR KS) tha se duke analizuar këtë kuadër ligjor lidhur me të drejtat e barabarta për personat LGBTI është shumë e qartë se Kosova ka një Kushtetutë shumë të avancuar; Megjithatë, sipas Hoxhës “pengesa më e madhe me të cilën përballemi është mungesa e diskutimit për personat LGBT, sepse vetëm grupe të vogla avokojnë dhe diskutojnë për komunitetin dhe nuk mjafton që të ketë një ndikim më të madh”.
Duke theksuar rolin e rëndësishëm të Avokatit të Popullit, Shqipe Malaj përmendi se sistemi jofunksional është një nga problemet më të mëdha në lidhje me të drejtat LGBTI, prandaj sipas saj “Zyra e Avokatit të Popullit vazhdimisht përpiqet të ofrojë kushtet më të mira të mundshme për parashtrimin e ankesave për çdo pakënaqësi që mund të lindin “, duke vazhduar me faktin se ngritja e ndërgjegjësimit në mesin e popullatës së përgjithshme është një nga aspektet më të rëndësishme në të cilat duhet të përqendrohemi.
Ky aktivitet u mbajt si pjesë e programit Engagement for Equity, i cili financohet nga Agjencia e Shteteve të Bashkuara për Zhvillim Ndërkombëtar – USAID, dhe i implementuar nga Qendra Burimore për Trajnim të Avokimit – ATRC.