Libraria

ABSTRAKTI: Ky hulumtim i realizuar në fund të vitit 2012 përfshin 755 anketa dhe një fokus grup, shqyrton qëndrimet e qytetarëve të Kosovës ndaj komuniteteve LGBT. Mostra përfshin shqiptarë, serbë dhe minoritete të tjera. Anketimi u zhvillua në 28 komuna të Kosovës. Fillimisht, fokus grupi është menduar të përbëhet nga përfaqësues të komuniteteve LGBT, por pasi që disa nga ata/ato ishin cak në kohën kur ndodhi incidenti me rastin e promovimit të revistës Kosovo 2.0. Për sigurinë e tyre ky grup është zëvendësuar me grup të studentëve. Pyetjet e anketës përqendrohen në bindjet demokratike dhe konservatore të respondentëve, duke treguar një perceptim të fortë tradicional dhe patriarkal ndaj homoseksualitetit.

ABSTRAKTI: Qëllimi i këtij raporti është që të vë në pah punën e Institucionit tëAvokatit të Popullit duke marrë në konsiderim çështje të ndryshme përfshirë edhe procedurat e brendshme. Përveç kësaj, ky raport mëton të ofrojë një pasqyrë më të qartë për rolin e Avokatit të Popullit në mbrojtjen e të drejtave të njeriut në gamën e palëve të interesuara, që mund të shfrytëzohen në atë mënyrë që do ta rriste efikasitetin dhe përgjigjen ndaj nevojave të qytetarëve. Për më tepër, parashihet që nëpërmjet një bashkëpunimi të tillë do të ketë edhe një ngritje të transparencës nga Institucioni i AvokatittëPopullitnëlidhjemerastetmetëcilatmerretinstitucioni.

ABSTRAKTI: Qëllimi i këtij raporti është që të dokumentojë rastet e diskriminimit të cilat janë adresuar tek autoritetet e caktuara apo ato që nuk janë adresuar, në mënyrë që të ngrisë ndërgjegjësimin lidhur me rastet e diskriminimit në Kosovë. Përveç kësaj, gjetjet do të përdoren me qëllim të fuqizimit të gjithë akterëve që janë duke punuar në promovimin dhe mbrojtjen e të drejtave të njeriut, për të identifikuar dhe trajruar në mënyrë efektive rastet e diskriminimit, qoftë brenda një institucioni ose të sektorit të OJQ-ve.

ABSTRAKTI: Ky hulumtim tregon se personat LGBT përballen me nivele të larta të abuzimit verbal, në përgjithësi jetojnë në frikë dhe gjendja e tyre është lënë pas dore nga mediat. Mbi 40 për qind të mostrës së përgjithshme të të anketuarve nga komuniteti LGBT tha se ata ishin abuzuar verbalisht në publik, dhe rreth 10 për qind ishin rrahur ose kërcënuar. Ndër të gjithë të anketuarit, pavarësisht nëse ata janë haptazi homoseksual apo jo, 50 për qind thonë se ata kanë frikë, për shkak të homofobisë së përhapur dhe rasteve të abuzimit. Pavarësisht këtyre kushteve, të anketuarit në mostrën tonë mendojnë se çështjes së tyre nuk i është dhënë vëmendje nga media.

ABSTRAKTI: Ky hulumtim trajton fenomenin e gjuhës së urrejtjes në mediat online në Kosovë dhe ndikimin e saj në lirinë e shprehjes dhe mbrojtjen e të drejtave të njeriut. Duke u mbështetur në monitorimin e nëntë portaleve informative gjatë viteve 2012–2013, publikimi zbulon praninë e gjuhës denigruese, nxitëse të dhunës dhe urrejtjes ndaj komuniteteve LGBTI+ dhe pakicave etnike, veçanërisht serbëve dhe romëve. Raporti analizon kornizën ligjore të Kosovës dhe mekanizmat institucionalë për adresimin e gjuhës së urrejtjes, duke përfshirë rolin e KPM-së dhe Këshillit të Mediave të Shkruara. Përmes analizës së rasteve të Gjykatës Evropiane për të Drejtat e Njeriut dhe Planit të Veprimit të Rabatit, studimi thekson nevojën për balancim mes lirisë së shprehjes dhe mbrojtjes nga nxitja e urrejtjes. Publikimi përfundon me rekomandime për mediat, prokurorinë, gjykatat dhe institucionet rregullatore në drejtim të forcimit të etikës mediatike dhe përgjegjësisë ligjore për parandalimin e gjuhës së urrejtjes në hapësirën publike të Kosovës.

ABSTRAKTI: Ky raport paraqet gjetjet e mbikëqyrjes së sjelljes dhe biologjisë (IBBS) në mesin e personave që injektojnë drogë (PWID) në Prishtinë e Prizren dhe burrave që kryejnë marrëdhënie seksuale me burra (MSM) në Prishtinë, realizuar gjatë korrikut-shtatorit 2014. Qëllimi ishte të analizohej përhapja e HIV-it, IST-ve dhe faktorëve të rrezikut për të ndihmuar në ndërtimin e politikave parandaluese. Studimi u financua nga GFATM përmes CDF dhe u zbatua nga Instituti Kombëtar i Shëndetit Publik. U përdor metoda e mostrimit të udhëhequr nga të anketuarit (RDS) për të mbledhur 300 PWID në Prishtinë, 199 në Prizren dhe 217 MSM në Prishtinë. Pjesëmarrësit dhanë pëlqimin, u intervistuan dhe ofruan mostra gjaku për testim ndaj HIV, HBV, HCV (vetëm PWID) dhe sifilisit. U përdorën gjithashtu metoda për vlerësim të madhësisë së popullatës. Rezultatet shërbejnë si bazë për monitorim, identifikim të boshllëqeve në programe ekzistuese dhe zhvillim të strategjive afatgjata për ndërhyrje dhe parandalim.

ABSTRAKTI: Ky hulumtim fokusohet në të drejtat e njeriut në Kosovë, te sfidat që kanë dalë pas vitit 2015, pas përfundimit të një periudhe të trazuar politike dhe bllokadave të shumta. Studimi eksploron ndikimin e këtij tranzicioni te qytetarët, sidomos sa i përket emigrimit masiv dhe kërkesave për azil drejt vendeve të Bashkimit Evropian. Për më tepër, shqyrton ndryshimet ligjore të cilat prekin drejtpërdrejtë qytetarët, përfshirë mbrojtjen e të dhënave personale, ligjin për barazi gjinore dhe atë të mbrojtjes së fëmijëve, ndërkohë që vë në pah sfidat e implementimit të këtyre reformave.

ABSTRAKTI: Ky raport analizon përgjegjshmërinë gjinore të dy kategorive ekonomike në kuadër të Ministrisë së Punës dhe Mirëqenies Sociale (MPMS): pagat dhe mëditjet, si dhe subvencionet dhe transferet. Buxhetimi i Përgjegjshëm Gjinor (BPGj) mundëson planifikim dhe ekzekutim të buxhetit në mënyrë më efektive, efikase, transparente dhe të barabartë.

ABSTRAKTI: Ky raport së pari shqyrton ligjin e aplikueshëm dhe kornizën e politikave në lidhje me dhunën në familje, duke përfshirë dispozitat penale dhe civile, duke identifikuar mangësitë dhe duke paraqitur rekomandime për adresimin e tyre. Pjesa e dytë shqyrton perceptimet e kosovarëve rreth dhunës në familje dhe rreth shkaqeve të saj, të cilat janë nxjerrë kryesisht nga të dhënat e studimit. Krahasimet janë bërë, aty ku kërkohet, me studimin e vitit 2008, duke identifikuar ndryshimet. Pjesa e tretë merret me përhapjen e parashikuar të dhunës në familje, duke u mbështetur kryesisht në të dhënat e studimit.

ABSTRAKTI: Me qëllim të mbushjes së këtij mozaiku mjaft kompleks të situatës së të drejtave LGBT, ky raport ofron një analizë gjithëpërfshirëse të vitit 2016. Raporti nis me një pasqyrë të strukturës ligjore dhe institucionale relevante të të drejtave LGBTI në Kosovë, përcillet me një përmbledhje të veprimeve të ndërmarra nga organizatat e shoqërisë civile, dhe përfundon me një përshkrim të shkurtër të rasteve që ndodhën gjatë këti viti të raportuar.

ABSTRAKTI: Ky raport shqyrton një rast aktual gjyqësor në të cilin dy persona të komunitetit LGBTI në Kosovë kanë qenë viktima të një sulmi verbal dhe fizik i motivuar për shkak të orientimit të tyre seksual. Viktimave u është ofruar ndihmë juridike nga Qendra për Zhvillimin e Grupeve Shoqërore (CSGD) dhe janë përfaqësuar nga një avokat gjatë procedurës penale. Ky raport është i bazuar në dosjet e rastit, në veçanti aktgjykimin e rastit. Përveç kësaj, raporti shqyrton kornizën ligjore e cila u ofron mbrojtje personave që i përkasin komunitetit LGBTI në Kosovë, në veçanti ligjet e procedurës penale dhe kriminale.

ABSTRAKTI: Public acceptance of the rights of LGBTI people remained low in Kosovo. Even among parents of LGBTI people, a sizable proportion told an opinion poll that they would try to ‘cure’ their child if they were lesbian or gay. The increased work of national LGBTI NGOs led to greater exposure for some LGBTI activists, which resulted in online attacks. A human rights activist was added to an international protection programme for human rights defenders and the European Commission criticised the authorities’ investigation of hate crime and the lack of progress made by the LGBTI Advisory and Coordination Group. On an altogether more positive note, the legal framework was improved with the approval of new laws on anti-discrimination and gender equality. A government ministry also supported public IDAHOT events for the first time.

ABSTRAKTI: Në këtë raport, RrGGK-ja merr një qasje holistike, me qëllim që të hetojë ngacmimin seksual. Gjatë marrjes me përkufizimet ligjore të ngacmimit, në pajtim me ligjet e Kosovës, ngacmimi seksual mund të kuptohet në terma më të përgjithshëm edhe si formë e dhunës seksuale. Më tej, format e ndryshme të dhunës seksuale mund të ndërlidhen me njëra-tjetrën. Për shembull, ngacmimi seksual mund të jetë pjesë dhe/ose mund të çojë në forma të tjera të dhunës seksuale, siç janë sulmi seksual apo përdhunimi.

ABSTRAKTI: Plani dy vjeçar Nëntor 2016 – Nëntor 2018 synon që të vazhdoj më tutje në monitorimin e zbatimit të Ligjit të ri për Mbrojtjen nga Diskriminimi, me përqëndrim në ngritjen e kapaciteteve të institucioneve të cilat janë të përfaqësuara në GKK për të zbatuar dispozitat e këtij ligji, sidomos në relacion me mbrotjen nga diskriminimi të komunitetit LGBTI në Kosovë.

ABSTRAKTI: The study provides important insights into the violence, discrimination, and harassment experiences of lesbian, gay, bisexual, and transgender community (LGBT) in Kosovo. It is very important to take into consideration that this report might also serve as a tool for other LGBT organizations, civil society organizations in general, and the government of Kosovo on how to best address LGBT issues.

ABSTRAKTI: Gjatë viteve të fundit janë shpërfaqur vështirësitë e komunitetit LGBTI dhe problemet me të cilat përballen pjesëtarët e këtij komuniteti janë duke u diskutuar më hapur. Personat transgjinorë janë vetëm një pjesë e këtij komuniteti dhe për shkak të mungesës së njohurive ata mbesin individë që keqkuptohen nga të tjerët dhe ka të ngjarë të përballen me diskriminim në sfera të ndryshme të jetës.

ABSTRAKTI: Ky raport do të hedh dritë mbi të gjitha aspektet e realitetit të të drejtave të komunitetit LGBTI. Ai ofron një përmbledhje gjithëpërfshirëse të (mos) veprimeve të palëve përkatëse në drejtim të promovimit dhe mbrojtjes së të drejtave LGBTI gjatë vitit 2017.

ABSTRAKTI: Ky raport do ilustrojë realitetin e personave LGBTI në të gjitha aspektet e të drejtave të tyre. Raporti paraqet një përmbledhje të qartë të veprimeve të ndërmarra nga aktorët përkatës në sigurimin e mbrojtjes dhe zbatimit të ligjeve në vend, po ashtu avancimin e ligjeve përkatëse që sigurojnë të drejta të barabarta të personave LGBTI me shoqërinë e përgjithshme.

ABSTRAKTI: Kjo analizë gjinore është zbërthyer sipas sektorëve, ku përfshihen: sundimi i ligjit dhe të drejtat themelore; qeverisja dhe demokracia; kapitali njerëzor: arsimi dhe punësimi; konkurrueshmëria dhe novacioni; bujqësia; energjia; mjedisi; transporti; dhe shëndetësia. Disa pjesë janë zbërthyer më tej në nënpjesë. Secila pjesë përfshin një vlerësim të shpejtë të ligjeve dhe të politikave ekzistuese që kanë të bëjnë me sektorin e dhënë, nga pikëpamja gjinore, pasuar nga gjetjet lidhur me situatën aktuale të grave dhe burrave në atë sektor.

ABSTRAKTI: [...] në çdo pjesë të këtij raporti shqyrtohen rezultatet e punës (performanca) së institucioneve të veçanta, që janë përgjegjëse për adresimin e dhunës me bazë gjinore dhe për ndihmesën ndaj personave që kanë pësuar këtë lloj dhune. Në hyrje të secilës pjesë jepet një përshkrim i shkurtër i përgjegjësive ligjore të institucionit për të cilin flitet. Më pas, jepen të dhëna lidhur me shkallën në të cilën institucionet për të cilat flitet kanë zbatuar përgjegjësitë e tyre, duke pasqyruar gjithashtu edhe ndryshimet që kanë ndodhur që prej vitit 2015. Në fund të çdo pjese, RrGK-ja paraqet vëzhgimet lidhur me rezultatet e punës së institucionit në fjalë. Në pjesën e fundit të këtij raporti paraqiten rekomandime për secilin institucion me qëllim të përmirësimit të zbatimit të përgjegjësive të tyre ligjore.

ABSTRAKTI: Mbrojtja e avancuar ligjore e të drejtave të njeriut shpesh nuk kthehet në praktikë. Ky vlen veçanërisht në rastet për komunitetet në nevojëtë cilët, përveç që kanë të bëjnë me këtë mungesë sundimi të ligjit, përballen me refuzim shoqëror. Duke buruar nga vlerat tradicionale të shoqërisë, stigma e lidhur me komunitetin LGBTI është parë në refuzimin e të drejtave, diskriminim dhe dhunë. Kjo është e dukshme edhe në mesin e nëpunësve civil, pavarësisht nga ndeshja me detyrimet e tyre profesionale.

ABSTRAKTI: Ky hulumtim ka pasur për synim të ofrojë informata lidhur me mangësitë në kuadrin përkatës ligjor; prevalencën dhe natyrën e diskriminimit me bazë gjinore në lidhje me punësimin; shkallën në të cilën njerëzit kanë parashtruar ankesa për rastet e këtij diskriminimi; dhe mënyrën se si i kanë trajtuar institucionet këto raste.

ABSTRAKTI: Ky raport ofron një pasqyrë të situatës së të drejtave të njeriut në Kosovë në vitin 2019, përfshirë problemet dhe sfidat kryesore për realizimin e të drejtave të njeriut si dhe shkeljet e të drejtave të njeriut. Raporti është përgatitur bashkërisht nga OSHC-të që punojnë në mbrojtjen dhe promovimin e të drejtave të njeriut në Kosovë me qëllim plotësimin e boshllëkut ekzistues në raportimin e përbashkët për të drejtat e njeriut në Kosovë në nivel lokal dhe ndërkombëtar, si dhe rritjen e bashkëpunimit dhe koordinimit midis OSHC-ve. Synohet që raporte të ngjashme të përgatiten në të ardhmen në bazë vjetore për të siguruar raportimin e përbashkët dhe sistematik të OSHC-ve mbi situatën e të drejtave të njeriut në Kosovë.

ABSTRAKTI: Autorët kanë huazuar titullin e këtij raporti nga AWID, duke bërë pyetjen e përgjithshme të hulumtimit: “Ku janë paratë për të drejtat e grave?”. Raporti së pari diskuton se si kontekstet politike dhe sociale ndikojnë në OSHCG-të. Pastaj, ai shqyrton financuesit e ndryshëm të angazhuar në mbështetjen e barazisë gjinore dhe OSHCG-ve në BP. Kapitulli në vijim paraqet trendet e financimit, duke përfshirë shumat, fushat tematike, grupet e synuara, strategjitë, afatet kohore dhe qasjet. Në fund, raporti diskuton arsyen për mbështetjen e OSHCG-ve, duke përfshirë pikëpamjet e financuesve për rëndësinë, efikasitetin, efektivitetin, ndikimin dhe qëndrueshmërinë e tyre, sipas kritereve të Komitetit të OECD për Zhvillimin e Ndihmës (DAC). Raporti përmbyllet me rekomandime për OSHCG-të, financuesit dhe koordinimë përmirësuar.

ABSTRAKTI: Qendra Kosovare për Studime Gjinore (QKSGJ), e mbështetur nga UN Women kanë porositur IDRA Research and Consulting - Kosova të kryejë një anketë e cili vlerëson njohuritë, opinionet, perceptimet, qëndrimet dhe besimet e qytetarëve kosovarë në lidhje me barazinë gjinore dhe dhunën ndaj grave dhe vajzave (BGJ & DHNGV).

ABSTRAKTI: Përmbledhje të të gjitha ndryshimeve dhe amendamenteve të ndryshme që janë bërë viteve të fundit.

ABSTRAKTI: Modelet nga intervistat me gratë e ndryshme, punëdhënësit në sektorin privat dhe publik, organizatat e shoqërisë civile (të grave) dhe institucionet tregojnë se ekziston një lidhje midis shkeljeve të dispozitave të tanishme të pushimit të lehonisë dhe gjendjes së pabarazisë gjinore në tregun e punës. Ndër gjetjet kryesore përfshijnë edhe shkelje si diskriminimi në punësim të komuniteteve etnike jo-shumicë dhe ndërprerja e punësimit të komuniteteve LGBTQIA+ kur zbulohet orientimi i tyre seksual ose identiteti i tyre gjinor.

ABSTRAKTI: Ky raport ofron një pasqyrë të gjendjes së të drejtave të njeriut në Kosovë në vitin 2020, përfshirë problemet dhe sfidat kryesore për realizimin e të drejtave të njeriut si dhe shkeljet e të drejtave të njeriut dhe ndikimin e pandemisë COVID-19 në të drejtat e njeriut. Raporti është përgatitur bashkërisht nga OSHC-të që punojnë në mbrojtjen dhe promovimin e të drejtave të njeriut në Kosovë me qëllim të plotësimit të boshllëkut ekzistues në raportimin e përbashkët për të drejtat e njeriut në Kosovë në nivel lokal dhe ndërkombëtar, si dhe rritjen e bashkëpunimit dhe koordinimit midis tyre. Ky është raporti i dytë i kësaj natyre, që vjen pas raportit të parë të tillë për periudhën e vitit 2019.

ABSTRAKTI: Përderisa ekziston një njohuri e zakonshme mbi diskriminimin bazuar në orientimin seksual dhe përkatësinë etnike, dëshmitë e mbledhura gjatë testimit të situatës të kryer në Prishtinë treguan se cili nga këto grupe jo-shumicë janë më të ekspozuar ndaj diskriminimit dhe me çfarë lloj problemesh po ballafaqohen anëtarët e secilit prej këtyre grupeve në jetën e tyre të përditshme.

ABSTRAKTI: The report was prepared for Civil Right Defenders as part of the South East European Legal Days 2.0 (SEELD 2.0) project. It was carried out by local experts from the region who analysed the institutional setting, legal framework, processes and policies in the respective countries. The focus was on the assessment of four major aspects of the Rule of Law, namely the Judiciary, Corruption, Media and Freedom of Expression and Human Rights Protection.

ABSTRAKTI: The report reaches key conclusions regarding the work of NHRIs in the region. Namely, that they suffer from insufficiency of financial and human resources, which can also indicate the lack of political will to increase their effectiveness. Likewise, recognition from parliament and other state institutions is low, as is structured cooperation with other NHRIs and NGO’s. Also, little attention is paid to the legitimacy of the NHRIs, with public opinions on the independence of the ombudspersons not reaching 50% in any of the countries.

ABSTRAKTI: The collection includes 17 stories, written by human rights experts from the region, sharing their experiences with younger activists entering the civil sector. The topics of the stories range from the effects of the pandemic on human rights activism, to the growing challenges faced by minority groups, independent journalists and women’s rights defenders. This production was part of our “Empowering Youth, Promoting Cooperation Over Conflict” project, realised with the support of SIDA and the German MFA.

ABSTRAKTI: Kapitulli i parë analizon kornizën aktuale ligjore të Kosovës në lidhje me KS, drejt identifkimit të rishikimeve të mbetura të kërkuara për të adresuar në mënyrë adekuate dhunën me bazë gjinore në ligj si pjesë e rishikimit dhe ndryshimit të vazhdueshëm të kornizës ligjore të Kosovës. Kapitulli i dytë shqyrton përgjigjen institucionale për adresimin e dhunës me bazë gjinore, me pjesë që përqendrohen në secilin institucion përgjegjës, si dhe koordinimin ndërinstitucional. Kapitulli i fundit përfshin rekomandime që synojnë secilin institucion përkatës. Shtojcat përfshijnë një listë të të anketuarve në intervistë (1); statistikat mbi përhapjen e formave të ndryshme të dhunës me bazë gjinore të marra nga institucionet (2); dhe një përmbledhje të vlerësimit të pavarur të RrGK-së për zbatimin e SKMDHF-së (3).

ABSTRAKTI: Ky hulumtim ka pasur për synim të dokumentojë perspektivat dhe përvojat e ndryshme të aktivisteve, politikaneve, organizatave të shoqërisë civile dhe të grave të ndryshme, veçanërisht të vajzave. I realizuar në vitin 2020, ky hulumtim ka ndërthurur metoda të përziera, duke përfshirë hulumtimin dokumentar, një anketë përmes interneti, intervista, vëzhgimin e pjesëmarrësve dhe grupe të fokusit. Në këtë hulumtim kanë marrë pjesë gjithsej 483 persona të ndryshëm, duke përfshirë 266 gra dhe vajza dhe pesë burra.

ABSTRAKTI: Dokumenti trajton punën si të drejtë themelore të njeriut dhe shqyrton sfidat e organizimit të tregut të punës në Kosovë nga perspektiva e të drejtave të njeriut dhe barazisë sociale. Theksohet se tregu formal i punës vazhdon të mbetet i ndërtuar mbi ndarje gjinore, racore dhe hierarki sociale, duke përjashtuar gratë, personat me aftësi të kufizuara, pakicat etnike dhe komunitetet LGBTIQ+. Në kontekstin e transformimeve neoliberale dhe pasigurisë në punësim, dokumenti nënvizon nevojën për rishikim të politikave publike dhe për forcimin e mekanizmave mbrojtës që garantojnë punë të dinjitetshme për të gjithë. Ai kërkon qasje ndërsektoriale që përfshin institucionet shtetërore, punëdhënësit dhe shoqërinë civile për krijimin e një tregu pune gjithëpërfshirës e të barabartë.

ABSTRAKTI: Libri nis nga shpjegimi i terminologjisë, kalon në zhvillimet kryesore botërore të kësaj lëvizjeje, për t’u ndalur në përshkrimin e situatës në Kosovë dhe duke vijuar me vendet e tjera të rajonit. Zhvillimet lokale të kësaj lëvizjeje përbëjnë edhe thelbin e këtij libri, pasi synimi ynë është t’i drejtohemi publikut shqiptar. Duke synuar të jetë gjithëpërfshirës, libri do të jetë një formë ekspozeje që nis me historinë e komunitetit LGBTI në botë dhe ndalet në pasqyrimin e gjendjes dhe kualitetit të jetesës së personave të komunitetit LGBTI në Kosovë.

ABSTRAKTI: Ky dokument përbën raportin e tretë vjetor të OSHC-ve mbi situatën e të drejtave të njeriut në Kosovë për vitin 2021. Raporti është realizuar bashkërisht nga organizatat e shoqërisë civile (OSHC-të) që punojnë në një numër të gjerë fushash që kanë të bëjnë me të drejtat e njeriut. Qëllimi i këtij raporti është të shërbejë si mjet i pavarur për vlerësimin e gjendjes së përgjithshme të të drejtave të njeriut në Kosovë, duke e plotësuar kështu boshllëkun ekzistues në raportimin e përbashkët për të drejtat e njeriut në Kosovë në nivel vendor dhe ndërkombëtar, si dhe për ta shtuar bashkëpunimin dhe koordinimin mes OSHC-ve.

ABSTRAKTI: Ky hulumtim ka pasur për synim të ofrojë informata lidhur me mangësitë në kuadrin përkatës ligjor; prevalencën dhe natyrën e diskriminimit me bazë gjinore në lidhje me punësimin; shkallën në të cilën njerëzit kanë parashtruar ankesa; dhe mënyrën se si i kanë trajtuar institucionet këto raste. Hulumtimi kishte për synim të nxirrte të dhëna lidhur me veprimet e Rrjetit të Grave të Kosovës (RrGK) ndër të tjera dhe me organizatat partnere,. I realizuar në vitin 2018 dhe i përsëritur në 2021, hulumtimi ka përdorur metoda të përziera: shqyrtimin dokumentar, anketa në internet dhe intervista.

ABSTRAKTI: Ky raport paraqet rezultatet e një studimi mbi diskriminimin ndaj çifteve lezbike, gej dhe grave rome në qytetin e Prizrenit, me fokus në qasjen e tyre në mallra dhe shërbime publike. Duke përdorur metodologjinë e “testimit të situatës”, hulumtimi evidenton forma delikate të diskriminimit, si vështrimet negative, sjelljet nënçmuese dhe mikroagresionet e përditshme, veçanërisht në hapësira publike si kafiteritë. Për gratë rome, gjetjet tregojnë trajtim më pak miqësor dhe prani të përjashtimit të heshtur, që ndikon në ndjenjën e izolimit dhe margjinalizimit. Raporti nënvizon rëndësinë e adresimit të këtyre formave të diskriminimit përmes edukimit, politikave gjithëpërfshirëse dhe trajnimeve për stafin në sektorin e shërbimeve, duke synuar krijimin e një mjedisi më të drejtë dhe më të barabartë për të gjitha grupet e margjinalizuara në Kosovë.

ABSTRAKTI: Raporti i Shoqërisë Civile për të Drejtat e Njeriut në Kosovë ofron një pasqyrë të situatës së të drejtave të njeriut në Kosovë gjatë vitit 2022, duke përfshirë problemet kryesore, shkeljet e të drejtave të njeriut dhe sfidat në përmbushjen e të drejtave të njeriut. Raporti është hartuar bashkarisht nga organizatat e shoqërisë civile (OShC-të) të cilat punojnë në fusha të ndryshme që kanë të bëjnë me të drejtat e njeriut. Qëllimi i këtij raporti është të shërbejë si një mjet i pavarur për vlerësimin e gjendjes së përgjithshme të të drejtave të njeriut në Kosovë, duke e plotësuar kështu boshllëkun ekzistues në raportimin e përbashkët për të drejtat e njeriut në Kosovë në nivel vendor dhe ndërkombëtar, si dhe për ta përmirësuar bashkëpunimin dhe koordinimin ndërmjet OShC-ve.

ABSTRAKTI: Ky hulumtim synon të ofrojë një analizë gjithëpërfshirëse të sfidave me të cilat përballen individët transgjinorë në qasjen në shërbimet e kujdesit shëndetësor në Kosovë, ai gjithashtu eksploron sfidat ekzistuese dhe perspektivat ligjore rreth kujdesit trans-shëndetësor në Kosovë, duke synuar të ofrojë një analizë gjithëpërfshirëse të çështjeve në fjalë dhe potencialit. shtigjet për përmirësim dhe për të bërë një analizë krahasuese të kornizës ligjore dhe praktikave të kujdesit shëndetësor trans në Kosovë me ato të vendeve apo rajoneve të tjera me sisteme më të zhvilluara.

ABSTRAKTI: *** Ky botim është në shitje në Bubble Pub, Project Space (17), dhe Libraria Dukagjini.*** Ky hulumtim është përpjekje për të korigjuar një padrejtësi epistemike të mos-njohjes, duke parashtruar një ndërhyrje në historiografinë e personave LGBTIQ+ në Kosovë dhe përgjithësisht në rajon e më tej. Botimi gjurmon raportimin më të hershëm mediatic për tranzicionin e një personi trangjinor Kosovar. Misin Krasnic, në vitin 1978 dhe analizon rishfaqjen e narrativave transgjinore në mediat kosovare me daljen e hapur publike të aktivistëve Lend Mustafa dhe Blert Morina në vitet 2016 dhe 2017 si pjesëtarë të komunitetit dhe mënyrën se si kjo gjë ka ndikuar në metodat dhe fokusin e avokimit për komunitetit LGBTIQ+.

ABSTRAKTI: Çdo vit, Rrjeti i Grave të Kosovës (RrGK) harton një koment shpjegues mbi mënyrën se si Raporti i Progresit për Kosovën i trajton çështjet e barazisë gjinore. Ky koment shpjegues analizon Raportin e KE-së për Kosovën për vitin 2023 nga perspektiva gjinore, duke shqyrtuar fokusin e tij ndaj grave, burrave, vajzave, djemve dhe barazisë gjinore; si dhe sa janë përfshirë rekomandimet e ofruara nga organizatat e shoqërisë civile për të drejtat e grave (OSHCG-të). Ky koment shqyrton se si është përfshirë aspekti gjinor në raport dhe rekomandon mënyra për KE-në që të integrojë më mirë këtë aspekt në kapitujt dhe seksionet e ndryshme. Shtojca 1 përmban një analizë të përfshirjes së perspektivës gjinore për secilin kapitull përmes një metodologjie të “semaforit”.

ABSTRAKTI: Analiza shqyrton ndikimin e digjitalizimit në barazinë gjinore dhe përfshirjen shoqërore në Kosovë. Ajo vlerëson se si zhvillimet teknologjike ndikojnë në qasjen e grave, burrave dhe komuniteteve të margjinalizuara, përfshirë personat LGBTIQ+, në shërbimet publike, arsim, ekonomi dhe pjesëmarrje demokratike. Dokumenti evidenton boshllëqe në politikat digjitale, mungesë të të dhënave të ndara sipas gjinisë dhe barrierat strukturore që pengojnë qasjen e barabartë në teknologji. RrGK rekomandon që proceset e digjitalizimit të ndërtohen mbi një qasje transformuese gjinore e gjithëpërfshirëse, që promovon barazi, diversitet dhe respekt për të drejtat e njeriut në hapësirën digjitale.

ABSTRAKTI: Analiza trajton punën joformale në Kosovë nga perspektiva gjinore, duke theksuar pabarazitë që prekin veçanërisht gratë dhe grupet e margjinalizuara, përfshirë personat LGBTIQ+. Analiza evidenton mungesën e kontratave, sigurisë në punë dhe përfaqësimit sindikal, si dhe zbrazëtirat ligjore që nuk adresojnë dallimet gjinore. Raporti rekomandon masa për formalizim, barazi dhe mbrojtje sociale për të gjithë punëtorët.

ABSTRAKTI: Ky studim paraqet një analizë të thelluar të gjuhës diskriminuese dhe përfaqësimeve përjashtuese në tekstet shkollore të arsimit të mesëm të lartë në Kosovë. Duke përdorur qasjen e Analizës Kritike të Diskursit (CDA) dhe metodologjinë multimodale, hulumtimi shqyrton mënyrën se si gjinia, mosha, aftësia, përkatësia etnike dhe orientimi seksual trajtohen në tekstet e biologjisë, sociologjisë, psikologjisë, edukatës qytetare dhe historisë. Gjetjet nxjerrin në pah se shumë tekste përforcojnë stereotipe gjinore, moshore, racore dhe homofobike, duke minuar përpjekjet për ndërtimin e një arsimi gjithëpërfshirës dhe të ndjeshëm ndaj diversitetit. Publikimi thekson nevojën urgjente për rishikim të materialeve mësimore, përfshirje të perspektivave të barazisë gjinore dhe kulturore, si dhe për edukim që nxit të menduarin kritik dhe respektin për diversitetin në sistemin arsimor të Kosovës.

ABSTRAKTI: Ky hulumtim analizon ndikimin e edukimit formal dhe joformal në mundësitë e punësimit të personave LGBTI+ në Kosovë dhe identifikon sfidat që ata hasin në sektorin publik dhe privat. Publikimi shqyrton barrierat institucionale dhe shoqërore që ndikojnë në qasjen e barabartë në arsim dhe tregun e punës, duke nxjerrë në pah boshllëqet në politikat e përfshirjes dhe zbatimin e ligjeve kundër diskriminimit. Përmes analizës së të dhënave sasiore dhe cilësore, dokumenti zbulon se personat LGBTI+ përballen me diskriminim të drejtpërdrejtë dhe të tërthortë, mungesë mbështetjeje institucionale dhe stigmatizim shoqëror. Raporti përfundon me rekomandime për institucionet qeveritare, sektorin publik e privat dhe shoqërinë civile, duke theksuar nevojën për politika gjithëpërfshirëse, programe trajnimi dhe masa afirmative që garantojnë barazi dhe mundësi të drejta për personat LGBTI+ në Kosovë.

ABSTRAKTI: Ky publikim trajton ndikimin e margjinalizimit shoqëror në shëndetin mendor të personave queer në Kosovë, duke u mbështetur në analizën e mbi 1200 seancave psikologjike të realizuara nga psikologët e CEL Kosovës me 132 përfitues. Studimi zbulon nivele të larta të ankthit, depresionit dhe stresit, të lidhura ngushtë me diskriminimin, refuzimin familjar dhe presionin shoqëror. Përmes gjetjeve të tij, publikimi thekson se sfidat psikologjike të individëve queer nuk burojnë nga identiteti i tyre, por nga mungesa e mbështetjes institucionale dhe sociale. Ai ofron rekomandime për forcimin e shërbimeve të shëndetit mendor, edukimin publik dhe krijimin e hapësirave të sigurta që mundësojnë mirëqenie dhe përfshirje të barabartë për komunitetin LGBTI+ në Kosovë.

ABSTRAKTI: Ky publikim paraqet një analizë gjithëpërfshirëse mbi mënyrën se si gjuha e urrejtjes, homofobia dhe transfobia shfaqen dhe përhapen në rrjetet sociale në Kosovë gjatë vitit 2024. Duke u mbështetur në monitorimin e 12 portaleve më të ndjekura dhe mijëra komenteve në platformat online, studimi zbulon mungesën e reagimit institucional dhe normalizimin e urrejtjes ndaj personave LGBTIQ+. Analiza trajton prirjet gjuhësore, mënyrat e raportimit mediatik dhe zonat gri të përgjegjësisë mes mediave dhe rrjeteve sociale, duke nxjerrë në pah boshllëqet ligjore e etike në mbrojtjen e të drejtave të komunitetit. Publikimi përfundon me thirrje për reforma strukturore, rritje të përgjegjësisë mediale dhe promovim të një diskursi publik gjithëpërfshirës dhe të ndjeshëm ndaj diversitetit.

ABSTRAKTI: Komunitetet LGBTI+ vazhdon të përballet me diskriminim të përhershëm në shumë aspekte të jetës, duke përfshirë mjediset sociale dhe institucionale. Ky studim fokusohet në përvojat e individëve queer në Kosovë, duke analizuar pengesat dhe mundësitë për përmirësim në aksesin ndaj këtyre shërbimeve. Në një mjedis shpesh të karakterizuar nga qëndrime konservatore, individët LGBTI+ përballen me sfida specifike, si stigmën sociale dhe mungesën e mbështetjes së personalizuar, që ndikon negativisht në mirëqenien e tyre mendore dhe sociale. Studimi identifikon barriera të rëndesishme, përfshirë mungesën e ndjeshmërisë dhe përgatitjes së profesionistëve për të trajtuar çështjet që lidhen me identitetin gjinor dhe orientimin seksual. Për më tepër, kufizimet në burime dhe hapësira mbështetëse reduktojnë mundësitë për individët queer për të marrë ndihmën e duhur. Këto sfida theksojnë nevojën për krijimin e programeve gjithëpërfshirëse, përmirësimin e trajnimeve profesionale dhe zhvillimin e rrjeteve mbështetëse që fuqizojnë komunitetet queer. Ky studim thekson rëndësinë e një qasjeje të strukturuar dhe të përshtatur për ofrimin e shërbimeve sociale dhe të shëndetit mendor. Ai synon të nxisë krijimin e një mjedisi mbështetës që respekton diversitetin dhe perfshirjen, duke kontribuar në përmirësimin e cilësisë së jetës për individët queer në Kosovë.

ABSTRAKTI: Hulumtimi “Lëvizja LGBTI+ në Kosovë: Qasjet dhe Praktikat e Ndërthurjes për Drejtësi Sociale” për fokus ka shqyrtimin dhe analizën e mënyrës se si komunitetet LGBTI+ në Kosovë adopton qasjen gjinore dhe ndërthurëse në aspekte si aktivizmi, avokimi dhe ofrimi i shërbimeve për personat LGBTI+. Hulumtimi e analizon reprezentimin si dhe përfshirjen e komuniteteve LGBTI+ në proceset si avokimi, duke i vlerësuar nevojat dhe kërkesat e individëve LGBTI+ dhe si janë adresuar ato në një nivel institucional dhe ligjor. Po ashtu, hulumtimi shqyrton ndikimin e qasjeve në forcimin e dukshmërisë dhe mbrojtjen e të drejtave të individëve LGBTI+ në Kosovë, duke identifikuar sfidat dhe mundësitë për avansimin e drejtësisë dhe barazisë sociale për këtë grup shoqëror. Duke përdorur qasje kualitative, janë realizuar intervista të thella me aktivistë dhe anëtarë të komuniteteve LGBTI+ për të kuptuar përvojat e tyre dhe sfidat me të cilat përballen. Rezultatet tregojnë se, ndërthurja e faktorëve socialë dhe kulturorë kanë një rol shumë të rëndësishëm në formësimin e strategjive dhe veprimeve të lëvizjes. Hulumtimi thekson rëndësinë e ndërgjegjësimit dhe edukimit si mjete kryesore për përmirësimin e të drejtave dhe kushteve të komuniteteve LGBTI+, si dhe ofrimin e shërbimeve ligjore dhe sociale, për mbrojtjen e të drejtave të individëve dhe barazisë sociale.

ABSTRAKTI: Hulumtimi shqyrton pozitën dhe dukshmërinë e komuniteteve LGBTI+ në hapësirën publike të Prishtinës, duke përdorur konceptin e “ksenotopisë” si qasje për rikonceptualizimin queer të hapësirës. Përmes shembujve si Prishtina Pride, “Sheshi i Krenarisë” dhe murali i Qerkicës e Mustafës, studimi analizon mënyrën se si hapësirat publike shndërrohen në vende rezistence dhe përfshirjeje. Raporti thekson kontrastin mes prezencës publike dhe sigurisë reale të komuniteteve queer, duke nënvizuar nevojën për hapësira më gjithëpërfshirëse dhe të sigurta në Kosovë.

ABSTRAKTI: Ky studim eksploron subkulturën queer në Kosovë përmes analizës antropologjike të praktikës së cruising-ut në Prishtinë, si një formë sociale dhe kulturore e rezistencës ndaj shtypjes dhe heteronormativitetit. Duke u bazuar në hulumtim etnografik, intervista gjysmë-të strukturuara dhe vëzhgime në terren, raporti shqyrton origjinën, zhvillimin dhe rëndësinë e hapësirave publike që kanë shërbyer si vende takimi për individë gej, biseksualë dhe transgjinorë që nga vitet ’80 e deri sot. Analiza ndriçon marrëdhënien midis hapësirave publike, sigurisë, seksualitetit dhe identitetit, duke treguar se praktika e cruising-ut ka qenë një mjet i mbijetesës kulturore dhe i krijimit të komunitetit queer në kushte represioni shoqëror. Studimi gjithashtu thekson ndikimin e teknologjisë dhe rrjeteve sociale në ndryshimin e mënyrave të socializimit, por arrin në përfundimin se kultura e cruising-ut mbetet një element i trashëguar dhe i gjallë i identitetit queer në Kosovë.

ABSTRAKTI: Ky raport paraqet një analizë gjithëpërfshirëse mbi dhunën me bazë gjinore ndaj individëve dhe komuniteteve LGBTIQ+ në Kosovë gjatë periudhës 2023–2024. Përmes një metodologjie ndërthurëse që kombinon intervista cilësore dhe analiza ligjore, dokumenti shqyrton mënyrën se si kornizat ekzistuese ligjore dhe institucionale dështojnë të ofrojnë mbrojtje efektive për personat LGBTIQ+. Raporti trajton boshllëqet në zbatimin e ligjeve për barazi gjinore, dhunë në familje dhe diskriminim, duke theksuar mungesën e regjistrave të veçantë për rastet që lidhen me orientimin seksual dhe identitetin gjinor. Përmes gjetjeve nga pesë komuna të Kosovës (Prishtinë, Pejë, Prizren, Ferizaj dhe Gjakovë), ai zbulon mungesën e qasjes në strehimore, shërbime psikologjike dhe mbështetje institucionale, si dhe sjell rekomandime për reforma ligjore, përmirësim të mbledhjes së të dhënave, trajnime profesionale dhe zhvillim të strehimoreve gjithëpërfshirëse. Studimi synon të bëhet bazë për politika të reja që garantojnë mbrojtje efektive dhe barazi reale për komunitetet LGBTIQ+ në Kosovë.

ABSTRAKTI: Ky raport analizon pozitën ligjore dhe shëndetësore të personave interseks në Kosovë, duke evidentuar mungesën e legjislacionit specifik dhe boshllëqet në mbrojtjen e të drejtave të tyre. Përmes një analize krahasuese me vendet e Bashkimit Evropian, dokumenti trajton nevojën për reforma në Ligjin për Gjendjen Civile, Ligjin për Shëndetësi dhe legjislacionin kundër diskriminimit. Raporti propozon masa konkrete për ndalimin e ndërhyrjeve mjekësore jo-konsensuale, futjen e opsioneve gjinore fleksibile në dokumentet civile dhe forcimin e të drejtës për pëlqim të informuar, duke synuar përafrimin e Kosovës me standardet ndërkombëtare të të drejtave të njeriut.

ABSTRAKTI: Raporti i Shoqërisë Civile për të Drejtat e Njeriut në Kosovë ofron një pasqyrë të situatës së të drejtave të njeriut në Kosovë gjatë vitit 2023, duke përfshirë problemet kryesore, shkeljet e të drejtave të njeriut dhe sfidat në përmbushjen e të drejtave të njeriut. Raporti është hartuar bashkërisht nga organizatat e shoqërisë civile (OShC-të) të cilat punojnë në fusha të ndryshme që kanë të bëjnë me të drejtat e njeriut. Qëllimi i këtij raporti është të shërbejë si një mjet i pavarur për vlerësimin e gjendjes së përgjithshme të të drejtave të njeriut në Kosovë, duke e plotësuar kështu hendekun ekzistues në raportimin e përbashkët për të drejtat e njeriut në Kosovë në nivel vendor dhe ndërkombëtar, si dhe për ta përmirësuar bashkëpunimin dhe koordinimin ndërmjet OShC-ve

ABSTRAKTI: Ky raport shqyrton një rast gjyqësor aktual në të cilin një person kishte planifikuar një sulm terrorist kundër komuniteteve LGBTI+ në Kosovë, gjatë paradës, e cila është pjesë e Javës së Krenarisë. Ky raport bazohet në procedurën e rastit, në veçanti në Aktgjykimin e rastit. Përveç kësaj, raporti shqyrton kornizën ligjore e cila parasheh mbrojtjen e personave që i përkasin komuniteteve LGBTI+ në Kosovë, në veçanti Kodin Penal dhe Kodin e procedurës penale.

ABSTRAKTI: Kapitulli i parë vlerëson digjitalizimin nga perspektiva gjinore, duke përfshirë vëmendjen ndaj Kuvendit të Republikës së Kosovës, Qeverisë dhe administratës publike. Çdo kapitull që vijon fokusohet në një sektor të ndryshëm, duke përfshirë sundimin e ligjit; shërbimet sociale; arsimin; punësimin; biznest dhe tregtitë; bujqësin; ndryshimet klimatike; shëndetin; dhe mediat dhe komunikimet.