Revista & Zine

Nën-koleksioni ‘Revista & Zine’ përbëhet nga numra të plotë të revistave dhe zinave apo artikujve të shkëputur nga revistat dhe zinat, rregullimi i të cilave është bërë në metodë kronologjike. Ky koleksion, deri sot, fillon me një artikull të publikuar në revistën e atëhershme KOHA, botuar më 21 gusht 1996, duke kaluar direkt në vitet e mëvonshme me disa edicione të plota të revistës Q-Magazine, e botuar nga Organizata QESh, dikur shumë aktive por sot joekzistente; koleksioni përmban edhe shkrime të shkëputura nga zina të ndryshme si dhe artikuj nga rubrikat: pikëpamje, monografitë, biseda dhe në thelb nga Revista Kosovo 2.0.

Klikoni në vitin për të cilin keni interesim dhe do të shfaqen titujt, që do të thotë: atëherë kur ekziston revista apo zina e plotë, është emri i revistës apo zines bashkë me temën kryesore dhe është shenjuar në kllapa ‘numri i plotë‘, atëherë kur revista dhe zina nuk është e plotë por ka më shumë se një artikull nga ajo revistë apo zine, është shënjuar në kllapa ‘shkrime shkëputur nga [emri revistës apo zines]‘, si dhe, kur është vetëm një artikull i shkëputur nga revista dhe zina përkatëse, janë shënjuar në kllapa ‘artikull’.

Kolona e dytë përmban emrin e fondkrijuesit, ndërsa e treta ofron qasjen në burimin amë përmes vegëzave që dërgojnë direkt te faqja e fondkrijuesit ose, në rastin e materialeve të digjitalizuara, burimi dërgon në formatin PDF.